2 Visite Guide'en zu Rëmeleng.

Plus d'informations
il y a 2 ans 9 mois #591 par clauhe
2 Visite Guide'en zu Rëmeleng. a été créé par clauhe
Och dëst Joer organiséierte de Ministère du Tourisme erëm de Guide for one Day, an och dëst Joer sinn ech als Guide eremm mat derbäi.

Ech hun 2 Tier erausgesicht:

- "Trëppeltour duerch de Minette“, (deen hat ech virun 3 Joer schon’s eemol gemaach)

Dësen Tuer féiert eis laanscht Klinkerwierk Intermoselle an den alen Escher-Wee. Hei fanne mär al Gebeier a ganz flott Galerieentréen.
Och ass dësen Dall deemools ewéi ee „Park“ ugeluecht ginn. Weider geet et dann erop bei den Arbed’s Haff an d’Fliegerdenkmal.
Vun hei aus gi mär dann bei Léiffrächen. Hei fanne mär nierft der Mutterguttesgrott dat groust Biergaarbechterdenkmal an och déi „ominös“ Kapell. Zeréck gett et dann duerch dat groust Dagebaugebitt.
Ënnerwee kuke mär och wat Minette ass a wéi se entstanen ass.

Datumen sinn: Sonndes 11. Juli, Samschdes 14. August an Sonndes den 12. September

- „ Rëmeleng, vum Duerf zur Stad“

Dëst ass een éischter architektoneschen Tuer duerch Stad Rëmeleng a seng Parken.
Hei kuke mär zesummen ewéi sech Rëmeleng am Laf vun der Zäit vum Duerf zur Stad entwéckelt huet.
Och grouss Perséinlechkeeten sinn aus dëser Minettstad ervir gaangen. Haut erënnere verschidden Denkmaler eis un des Persounen.

Datumer sinn hei all kéieres Samschdes: 17. Juli, 7. August, 4. September

Dat ganzt mat ville Geschichten an Anekdoten.

Fort geet et emmer um 9.00 Auer um Parking vum Musée National des Mines de Fer zu Rëmeleng.

Et géing mech freeën iech a menger Heemechtsstad kennen ze begréissen.

Weider Infoen an och Umeldungen ( ab dem 6. Juni ) fir des Tier fand dier op www.guideforoneday.lu

mbG a bleiwt gesond
Claude Hermes
är Guide for one Day 2021

Connexion ou Créer un compte pour participer à la conversation.

Temps de génération de la page : 0.065 secondes
Aller au haut